Sot do të mbahet mbledhja e Kryesisë së Kuvendit të Kosovës, shkruan arbresh.info.

Në këtë takim, ndër të tjerash do diskutohet mbi çështjen e mosliberalizimit të vizave.

Në rendi dite janë disa pika:

Shqyrtimi i Projektligjit për ratifikimin e “Marrëveshjes së Bashkëfinancimit për studimin e fizibilitetit dhe Projekt – Idesë për lidhjen hekurudhore Durrës-Prishtinë”.

Shqyrtim i dytë i Projektligjit për Produktet Biocide, shqyrtimi i dytë i Projektligjit për Ushqimin.

Shqyrtimi i Raportit vjetor të Agjencisë për Informim dhe Privatësi për vitin 2021, shqyrtimi i Raportit vjetor të Ndërmarrjes Publike Operatori i Sistemit, Transmisionit dhe Tregut – KOSTT Sh.a. për vitin 2021.

Shqyrtimi i Vendimit të Qeverisë së Republikës së Kosovës nr. 12/84, datë 22 qershor 2022 për hartimin e Planit Hapësinor të Kosovës.

Shqyrtimi i Vendimit të Qeverisë së Republikës së Kosovës nr. 13/84, datë 22 qershor 2022 për hartimin e Planit Hapësinor për Parkun Kombëtar “Sharri”, ratifikimi i anëtarit të Këshillit Shtetëror të Cilësisë të Agjencisë Kosovare të Akreditimit dhe debati parlamentar në lidhje me mos liberalizimi i vizave nga BE-ja për Kosovën./arbresh.info/